Þriðjudagar eru Oreodagar

 

Endalausar sólarmyndir úr heimahögum mínum fyrir austan eru að buga mig. Nei ég lýg. Ég hef það fínt hérna. Étandi, fitnandi, rignandi niður og deyjandi úr D-vítamínskorti. 

 

Æ, veðrið skiptir mig engu. Held ég. Ég nýt mín mun betur fyrir framan sjónvarpið en í sólbaði. Ég hef til dæmis farið í sund einu sinni á síðustu 13 árum. Einu sinni! 

 

Ég nenni ekki sundlaugum þar sem ekki er seldur bjór. Fer bara í sund í útlöndum. 

 

Já. Það má rigna fyrir mér. 

 

En að máli málanna.

 

Oreotilraun dagsins.

 

 

 

Í tilraunina þarf þrennt (magnið fer eftir því hversu mikið þið ætlið að búa til):

Oreo

Reese´s Peanut Butter Cups

Súkkulaði til þess að hjúpa

 

 

 

Tökum Oreoið í sundur. Við erum bara að fara að nota kremhlutana. Mmmm.

 

 

Einn Reeses´sbiti settur ofan á.

 

 

 

Ó, augun mín. Mér líður eins og gömlum pervert að horfa á klám.

 

 

Bræðum súkkulaði.

 

 

Hjúpum dýrðina vandlega.

 

 

Inn í ísskáp í drjúga stund. 

 

 

 

Hér þarf engin orð. 

 

Ég ætla ekki að bera þetta saman við kynlíf með einhverjum eða hvers kyns sleikingar. Ekki í þetta sinn. 

 

Heyrumst.

Athugasemdir

[Guðjón (IP-tala skráð) 16.7.2014 kl. 02:28]

Girnilegt.

Palestína hefur eignast sína eigin Malölu. Sjáðu hér:

http://www.israelvideonetwork.com/this-palestinian-christian-woman-is-being-threatened-and-harassed-for-this-speech